Ka Shillong Lajong Fc yn aireng pyrshah ia ka Aizawl Fc (Aizawl Fc Vs Shillong Lajong Fc ) haka sngi U Blei haka noh phai sngi ha Nongbah Shillong haka por 2 baje Janmiet. Baroh artylli ki team la ioh mad iaka jingjop haka jingialeh kiba dang shu dep shen, ka Shillong lajong Fc la pynrem noh iaka Churchill Brothers Fc da 2-0 ha ing katba ka Aizawl Fc la pynrep kput ia ka TRAU da 5-1 kaba long long shen ha Kalyani West Bengal.
Ka jingialehkai hapdeng ka shillong lajong Fc pyrshah iaka Aizawl Fc kan long kaba itynnad namar baroh artylli ki don ki player local kiba tbit bha. Lehse ka Shillong Lajong ka don ka jingkyrmen ban pynlip iaka Aizawl Fc namar baka jinglehkai ka dei ha ing bad lada jop, ka Shillong Lajong kan buh ia lade haka top baar jong ka miej ia khein point jong ka I league. Ka Shillong lajong mynta dang bat ia top ba lai bad la ioh 16 points na ki 8 tylli ki jingialehkai. Katba Aizawl Fc ka don haka kyrdan ba saw haka miej Khein point jong ka I League na ki 8tylli ki jingialeh.
Ka Shillong Lajong lah ban kynduh jingeh pyrshah iaka Aizawl FC namar ka aizawl Fc, ki don ki players ba btit bha ban thep kol kum u Larinzuala uba la ioh thep 8 goal haduh mynta bad u la wan baar haka kyrdan ka jong thep kol ba bum tam.