ka Rangdajied United FC ka la shah pyntikna ialade haka minit kaba khatduh ban mih bujli haka jaka jong ka Hyderabad FC haka Group F jong ka Durand Cup 2024, kaba long ha Nongbah Shillong. Ia kane ka jingpynbna la pynbna da ka komiti bala pynlong ia ka Durand Cup 2024.
Table of Contents
Ka jingweng noh ka Hyderabad FC(Durand Cup 2024)
Ka Hyderabad FC, ka kynhun kaba la shah ktah haka jingeh haka liang ka pisa tyngka bad ki nongïalehkai, ka la hap ban weng noh ïalade na kane ka lympung ïalehkai Durand Cup 2024. Ka Hyderabad FC ka dei ka Club kaba shim bynta haka Indian Super League (ISL) kaba la wan ha ka kyrdan ba sha trai duh jong ka thup ïalehkai jong ka ISL 2023-24.
Ka Hyderabad FC kala shah buh nyngkong haka Group F ryngkat bad ka Shillong Lajong FC, Tribhuvan Army FC jong ka Nepal, bad ka FC Goa. Hynrei ka jingbym lah jong ka ban wan shim bynta, ka la plie lad ïaka Rangdajied United FC ba kan rung sha kane ka jingïakhun.
Rung ka Rangdajied United FC(Durand Cup 2024)
La iathuh baka Dempo SC, kawei pat ka klob na Goa, ka la shah tyrwa ban bujli iaka Hyderabad FC pynban ka Rangdajied United FC ka la wan shakhmat bad ka dei tang maka, ka kynhun kaba la pynkhreh bad lah ban shim ïa kane ka jingïakhun tang haka por kaba lyngkot.
Kane ka kynhun naka jylla Meghalaya ka ïoh jingmyntoi naka jingbym donkam ban leit jingleit, namar ïa kane ka lympung ïalehkai la pynlong haka jylla la jong.
Ka jingkylli kaba khraw mynta ka long hato ka Rangdajied United FC ka long ne em, ban ïakhun ha kane ka kyrdan haka por ba lyngkot. Ki nongkyrshan bad ki nongpeit bniah kumjuh kin peitngor bha haba ka kynhun kan ïakhun pyrshah ïa ka FC Goa ha ka 5 tarik u Naitung ha JN Stadium, ha kaba ka jingïalehkai kan sdang ha ka por 7 baje janmiet.
Balei ka Rangdajied Kloi ban Shim ia Rai
Ka kyrwoh bala pynmih (3 August 2024) mynta ka janmiet kam shym la wad bniah bha ïa ki daw ba la pynlong ïa ka Hyderabad FC ban weng noh, tangba la kdew iaka daw ba duna haka liang pisa. “jingjia bym lah ban khmih lynti.” Ka kyrwoh ka pynpaw ruh ba ïaka rai ban tyrwa ïa ka jaka kaba lait sha ka Rangdajied United FC, kane ka dei kaba la tyrwa daka sorkar Meghalaya.
Rangdajied United FC ka dei kaba la biang bha bad ka dei ruh ka lahduh haka Meghalaya State League 2023.
Wat hapdeng ki jingkylla, ka jingpynbeit ryntih ïa ka Durand Cup 2024 ka dang sah kumjuh, ha kaba ka Rangdajied United FC ka la bujli khlem jingeh ïaka ban buh haka jaka jong ka Hyderabad FC.
Ka jingpynrung iaka Rangdajied United FC haka Durand Cup 2023 kan nang shngain shuh shuh iaka jingialehkai ha Shillong. Ki nongkyrshan phutbol kin sngewtynnad ban peit kumno kane ka jingpynkylla haka minit kaba khatduh kan pyndap briew iaka jaka ba thylli haka madan JN Complex bad kan long ruh kaba itynnad tam ban wan kyrshan iaka club na jylla lajong.