La plie pyrda ia ka jingialeh la tip kum ka Poriu knock-out Football Tournament 2024 (Poriu Football Tournament 2024) bala pyniaid da ka Poriu Sports & Cultural Association ha sngi saitjain 9 Tarik November 2024.
Poriu Football Tournament 2024
Ha katei ka sngi, la don bynta ruh da ki riew rangbah jong ka thain Nongtrai bad U Sordar Hima Nonglang U Phorsly Nianglang kum u kongsan ha katei Ka jingplie pyrda ia ka jingialehkai. Kumjuh ruh la synran lang katto katne ki riew rangbah, U bah Arphul Mangsang bad bad u Bah John Gilbert Dkar bad kiwei kiwei de.
Ka Poriu Sports & Cultural Association ka juh seng ki jingialehkai kum kawei ka Association ba juh pynlong man u snem kum ka lad ban plie ia ki rangialehkai ba don sah haka kam ialehkai football.
Dangpyrshang FC(Poriu) vs Hawei A FC
Ha ka sngi plie pyrda ia ka jingialehkai jong ka Poriu Knoc-out Football Tournament 2024, Dangpyrshang FC(Poriu) ialeh pyrshah ia ka Hawei A FC bad ka Dangpyrshang(Poriu) la pynliem iaka Hawei A FC da 3-1 haba kut ka jingialehkai. U Micheal Dkhar jong ka Dangpyrshang FC (poriu) la lam khmat ia Team da kaba u la kyrwit 2 kol, ki goal jong u la thep haka minute ba 20 bad 70. Kawei pat ka kol la bynrap da U Dibus Nianglang ha ka minute ba 50.
Katba ka Hawei A Fc la ioh thep tang kawei ka kol ha ka minute ba 32 lyngba da u Skhem Nianglang. Lyngba kane ka jingjop ka Dangpyrshang FC (Poriu) kan ialeh pyrshah ia ka Porskin CF haka 30 Tarik u November 2024, ka por ka 11.30 AM.
Kawei pat ka jingialehkai, ka Poriu Heroes FC la lim noh haka Porla AFC, lyngda ka Tie breaker hadien ba ia thep mar 3 kol haba kut ka jingialehkai.