Nongstoin: Ka jingialehkai I League hapdeng ka Shillong Lajong pyrshah iaka Rajasthan United kaba la long ha Hyderabad kala kut noh da kaba iasam mar shi point hadein kila thep markawei. Haba sdang ka Jingialehkai haka kylla step jong, ka Shillong Lajong kam lah ban thep kol watla la ioh haduh 8 tylli ki kabu, wat tang kawei ruh kim lah dei haka kol jong ka Rajasthan United. Ka Rajasthan United watla ka team tlot haba ia nujor ia ka jingioh point haka meij jingiakein points, ka ioh ia kabu ban thep shi kol haka minute ba 9 lyngba u Denzell. Kane kala pynlong iaka Rajasthan ban ioh mynsiem haduh baka Shillong Lajong kam Lah ban thep watla ioh bun ki kabu. Ka Rajasthan United kala bat 3 points haba kut jong ka kylla step.
Haba phai pat sha ka kylla meit, Ka Shillong Lajong la ialeh tyngeh ban pynkhuid ia ram jong ka Rajasthan tangba ki rangialehkai jong ka kam ailad ia ki rangialehkai jong ka Shillong Lajong bad pynban kala ioh shibun ki kabu. U Goal keeper jong ka Shillong Lajong u la lehkai bha bad u la pynlait noh naka kol baar jong ka Rajasthan United FC. Tad haduh 96 minute, shuwa ba u referee ban pud noh iaka whistle ba khatduh, ka Shillong Lajong la ioh iaka Freekick na rud jong ka box bad u Kapten jong the Team U Hardy Cliff Nongbri la shoot iaka freekick bad ka leit sha u Daniel Concalves bad u la thep syndon iaka kol na bynta ka Shillong Lajong. Ka jingialehkai ka la kut noh bad baroh ar ki team hap ia sam mar point. Ka jingialehkai Jong ka Shillong Lajong ka ban sa long ha ing haka 6 Tarik December pyrshah iaka Churchill Brother na Goa haka por 2 baje.